ಚಾಣಕ್ಯನ ನೀತಿ ಸೂತ್ರಗಳು

• ತನಗೆ ಹಾನಿಯಾಗುವ ಸಂದರ್ಭದಲ್ಲಿ ಸಂಧಿಯ್ನು ಮಾಡಿಕೊಳ್ಳಬೇಕು
• ತನ್ನ ದೇಶದಿಂದ ಒಂದು ದೇಶದ ಅನಂತರವಿರುವ ದೇಶದ ರಾಜನು ಮಿತ್ರನೆನಿಸುವನು
• ತನ್ನ ದೇಶದ ಪಕ್ಕದ ರಾಜನು ಶತೃವೆನಿಸುವನು
• ಬಲಿಷ್ಟನಾದವನು ದುರ್ಬಲನೊಡನೆ ಯುದ್ಧ ಮಾಡಬೇಕು
• ತನಗಿಂತ ಹೆಚ್ಚಿನವನೊಡನಾಗಲೀ ಸರಿಸಮನೊಡನಾಗಲೀ ಯುದ್ಧ ಮಾಡಬಾರದು
• ಒಂದೆಡೆ ಸಂಧಾನ ನಡೆಸುತ್ತಲಾದರೂ ಶತೃಗಳ ಪ್ರಯತ್ನವನ್ನು ನಿರೀಕ್ಷಿಸುತ್ತಿರಬೇಕು
• ಹಸಿದ ಸಿಂಹವು ಹುಲ್ಲು ತಿನ್ನುವುದಿಲ್ಲ
• ಸಹನೆ ಇಲ್ಲದ ನಾಯಕನು ಹೆಂಡಿರು ಮಕ್ಕಳಿಂದಲೂ ತ್ಯಜಿಸಲ್ಪಡುವನು
• ಸತ್ಯವಿದ್ದರೂ ನಂಬಲಾರದುದನ್ನು ಹೇಳಬಾರದು
• ಒಂದು ದೋಷವು ಅನೇಕ ಗುಣಗಳನ್ನೂ ನುಂಗುವುದು
• ಮರ್ಯಾದೆ ಮೀರಿದವನನ್ನೆಂದೂ ನಂಬಬಾರದು
• ಧರ್ಮಾರ್ಥಗಳ ವಿರುದ್ಧ ವರ್ತಿಸುವವನು ಅನರ್ಥವನ್ನು ಹೊಂದುತ್ತಾನೆ
• ಸರಳ ಸ್ವಭಾವದ ಮನುಷ್ಯನು ದುರ್ಲಭ
• ಶತೃವನ್ನು ಅವನ ಮರ್ಮದಲ್ಲಿ ಹೊಡೆಯಬೇಕು
• ಮೂಢರು ಕೊಟ್ಟೇತೀರಬೇಕಾದುದನ್ನೂ ಅತಿ ಕಷ್ಟದಿಂದ ಕೊಡುವರು
• ಆಶಾಪರನಾದ ಕಾರ್ಯದಕ್ಷನನ್ನೂ ಮೋಸಗೊಳಿಸುವುದು ಸುಲಭ
• ದುಷ್ಟನಿಗೆ ಅವಮಾನದ ಭಯವಿಲ್ಲ
• ಬುದ್ಧಿವಂತನಿಗೆ ಜೀವನದ ಭಯವಿಲ್ಲ
• ಇಂದ್ರಿಯಗಳನ್ನು ನಿಗ್ರಹಿಸಿದವರಿಗೆ ವಿಷಯಗಳ ಭಯವಿಲ್ಲ
• ಕೃತಕೃತ್ಯರಿಗೆ ಮರಣಭಯವಿಲ್ಲ
• ದುಡ್ಡಿದ್ದವನು ಕುರೂಪಿಯಾಗಿದ್ದರೂ ಸುರೂಪನೆನಿಸುವನು
• ಹಾವಿಗೆ ಹಾಲು ಕುಡಿಸುವುದು ವಿಷವನ್ನು ಬೆಳೆಸುವುದೇ ಹೊರತು ಅಮೃತವಾಗಲಾರದು
• ಶತೃವನ್ನು ಸಭೆಯಲ್ಲಿ ನಿಂದಿಸಬಾರದು
• ಶತೃವಿನ ದುಃಖವು ಕೇಳುವುದಕ್ಕೆ ಇಂಪು
• ತನ್ನಲ್ಲಿ ದೋಷಗಳಿರುವವನು ಇತರರ ಮೇಲೆ ಸಂಶಯಪಡುವನು